رپورٹ کے مطابق جمعرات کو اسرائیلی فوجیوں نے رام اللہ میں کفر عقب قصبے تلاشی کی کارروائی میں 64 سالہ فلسطینی رکن پارلیمنٹ محمد ابو طیر کو حراست میں لے لیا۔
رپورٹ میں بتایا کہ جمعرات کو نماز فجر کے بعد اسرائیلی فوجیوں نے فلسطینی رکن پارلیمنٹ محمدابو طیر کی رہائش گاہ پر چھاپہ مارا۔ تلاشی کے دوران گھر میں توڑپھوڑ کی۔ جس کے بعد محمد ابو طیر کو ایک فوجی گاڑی میں ڈال کرنامعلوم مقام پر لے جایا گیا ہے۔
خیال رہے کہ محمد ابو طیر کو اسرائیلی عقوبت خانے سے رہائی کو ابھی بہ مشکل 6 ماہ بھی نہیں ہوئے کہ انہیں دوبارہ دھرلیا گیا۔ محمد ابو طیر اپنی چونسٹھ سالہ زندگی میں 25 سال اسرائیلی جیلوں میں قید کاٹ چکے ہیں۔ انہیں سنہ 2010 ء کو دو مزید فلسطینی ارکان پارلیمنٹ کے ساتھ بیت المقدس سے بے دخل کردیا گیا تھا۔ انہوں نے اپنی بلا جواز بے دخلی کے خلاف احتجاج کیا تو انہیں حراست میں لے لیا گیا اور 25 ماہ تک مسلسل انتظامی حراست میں رکھا گیا۔