مقبوضہ بیت المقدس – (فلسطین نیوز۔مرکز اطلاعات) صہیونی فوج نے مقبوضہ فلسطین کے سنہ 1948ء کے مقبوضہ علاقے الرملہ میں ایک فلسطینی خاندان کا مکان مسمار کرکے کئی افراد کو گھر کی چھت سے محروم کر دیا۔
فلسطین نیوز کو موصول ہونے والی اطلاعات کے مطابق کل بدھ کے روز صہیونی پولیس اور الرملہ میں قابض اسرائیلی بلدیہ کے اہلکاروں کی بھاری نفری نے الرباط کالونی میں واقع Â محمد القرم نامی شہری کے مکان کا محاصرہ کیا۔ مکینوں کو باہر نکالا اور گھر کا سامان باہر پھینکنے کے بعد بھاری مشینوں کی مدد سے مکان کو آن کی آن میں ملبے کا ڈھیر بنا دیا۔
رپورٹ کے مطابق فلسطینی شہریوں نے مکان مسماری کے خلاف شدید احتجاج کرتے ہوئے متاثرہ خاندان کے ساتھ یکجہتی کا اظہار کیا ہے۔ انسانی حقوق کی تنظیموں نے بھی محمد القرم کا گھر مسمار کرنے کی شدید مذمت کرتے ہوئے اسے فلسطینیوں کو اجتماعی سزا دینے کے مترادف قرار دیا ہے۔