رام اللہ – (فلسطین نیوز۔مرکز اطلاعات) فلسطین کے مقبوضہ مغربی کنارے کےوسطی شہر رام اللہ میں بیتونیا کے مقام پر اسرائیلی فوج کے سادہ کپڑوں میں ملبوس اہلکاروں نے چار فلسطینی شہریوں کو اغواء کرکے نامعلوم مقام پر منتقل کر دیا۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع کا کہنا ہے کہ اسرائیلی فوج کی ’مستعرب‘ یونٹ کے اہلکاروں نے Â عوفر فوجی کیمپ کے قریب دھاوا بولا اور وہاں پر موجود چار فلسطینی شہریوں کو حراست میں لینے کے بعد نامعلوم مقام پر منتقل کردیا ہے۔یرغمال بنائے گئے فلسطینی شہریوں کی شناخت محمد برکات، جاد راجحہ، ثراء البرغوثی اور طارق نمر کے ناموں سے کی گئی ہے۔