مقبوضہ بیت المقدس – (فلسطین نیوز۔مرکز اطلاعات) فلسطین کے مقبوضہ بیت المقدس کے شمالی علاقے قلندیہ میں ایک چیک پوسٹ کے قریب اسرائیلی پولیس کی جانب سے رکنے کے اشارے پر تین فلسطینی نوجوان اپنی گاڑی چھوڑ کر فرار ہوگئے۔
فلسطین نیوز کو موصول ہونے والی اطلاعات کے مطابق اسرائیلی پولیس کی خاتون ترجمان لوبا السمری نے بتایا کہ قلندیا چیک پوسٹ کے داخلی راستے سے ایک کار میں سوار تین نوجوان جا رہے تھے۔ موقع پر موجود پولیس اہلکاروں نے انہیں گاڑی روکنے کا اشارہ کیا۔ اسرائیلی بارڈر پولیس نے گاڑی کی طرف بڑھ کر اس میں موجود افراد کی شناخت کی کوشش کی تو وہ کار میں موجود تینوں نوجوان فرار ہوگئے۔
پولیس کا کہنا ہے کہ فرار ہونے والے فلسطینی لڑکے مزاحمت کار معلوم ہوتے ہیں۔ غالب امکان ہے کہ وہ اسرائیلی فوجیوں کو اپنی گاڑی تلے روندنے کے منصوبہ بندی کررہے تھے۔ اس سے قبل کہ پولیس انہیں پکڑتی وہ تینوں فرار ہوگئے۔ پولیس نے گاڑی قبضے میں لے لی ہے۔