رام اللہ ( فلسطین نیوز۔مرکز اطلاعات) اسرائیلی جلادوں کے ہولناک تشدد سے 53 سالہ فلسطینی عزیز عویسات کی شہادت پر اسرائیلی جیلوں میں تین روزہ سوگ منایا جا رہا ہے۔
فلسطین نیوز کو موصول ہونے والی اطلاعات کے مطابق فلسطینی محکمہ امور اسیران کے چیئرمیم عیسیٰ قراقع نے بتایا کہ اتوار کے روز اسرائیلی جیل میں ایک فلسطینی شہری کی تشدد سے شہادت کے بعد اسرائیل کی تمام جیلوں میں سخت کشیدگی اور غم وغصے کی فضاء پائی جا رہی ہے۔انہوں نے بتایا کہ اسرائیلی جیلوں میں فلسطینی اسیران تین روزہ سوگ منا رہے ہیں اور ان کی طرف سے ایچل جیل میں عزیز عویسات پر وحشیانہ تشدد کی شدید الفاظ میں مذمت کی جا رہی ہے۔
عیسیٰ قراقع نے فلسطینی شہری کی دوران حراست کو اسرائیلی فوج کا وحشیانہ جرم قرار دیا۔ انہوں نے عالمیی برادری اور اقوام متحدہ سے مطالبہ کیا کہ وہ زیرحراست فلسطینی کی شہادت کے واقعے کی آزادانہ تحقیقات کرائیں اور وحشیانہ تشدد کے مرتکب عناصر کے خلاف سخت قانونی کارروائی عمل میں لائے جائے۔
خیال رہے کہ عزیز عویسات کو اسرائیلی جیل ایچل میں صیہونی جلادوں نے انسانیت سوز تشدد کا نشانہ بنایا جس کے نتیجے میں وہ شدید زخمی ہوگئے۔ بعد ازاں جیل ہی میں انہیں اسی تکلیف کے باعث عارضہ قلب ہوا۔ انہیں اسپتال منتقل کیا گیا۔ اسپتال میں بھی انہیں کسی قسم کی طبی امداد مہیا نہیں کی گئی جس کے نتیجے میں ان کی موت واقع ہوگئی۔