مقبوضہ بیت المقدس – (فلسطین نیوز۔مرکز اطلاعات) اسرائیلی فوج نے بیت المقدس میں چھاپا مار مہم اور گرفتاریوں کا سلسلہ شروع کردیا جو کہ رات گئے تک جاری رہا۔
فلسطین نیوز کو موصول ہونے والی اطلاعات کے مطابق اسرائیلی فوج کی گاڑیاں شعفات مہاجر کیمپ میں داخل ہوگئیں اور انہوں نے وہاں موجود فلسطینیوں پر ربڑ کی گولیاں چلانے کا سلسلہ شروع کردیا۔مہاجر کیمپ میں اسرائیلی فوج کی جانب سے متعدد گھروں کی تلاشی کے لئے گھر گئے جس کے نتیجے میں علاقے میں نوجوانوں کے ساتھ جھڑپوں کا سلسلہ شروع ہوگیا۔
اسرائیلی فوج کی جانب سے ایک نوجوان کو حراست میں لئے جانے کے بعد علاقے میں کشیدگی بڑھ گئی ہے۔
اس کے علاوہ ایسی ہی مہمات جبل المکبر کے علاقے میں کی گئیں جس میں اسرائیلی فوج نے دو نوجوانوں کو حراست میں لے لیا۔