وادی اردن – (فلسطین نیوز۔مرکز اطلاعات) فلسطین کے علاقے مقبوضہ مغربی کنارے کی وادی اردن میں جفتلک قصبے میں بچھو کے کاٹنے سے ایک شیر خوار بچی جاں بحق ہوگئی۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع نے بتایا کہ یہ واقعہ وادی اردن کے وسطی علاقے جفتلک میں پیش آیا۔ بچی کے اہل خانہ نے بتایا کہ دو سال رسیل فادی عنوز کو گھر میں داخل ہونے والے بچھو نے ڈس لیا تھا جس کے نتیجے میں وہ فوت ہوگئی۔خیال رہے کہ وادی اردن میں موسم گرما میں سانپ اور بچھوؤں کی بڑی تعداد نکل پڑتی ہے جو مقامی آبادی کے لیے شدید خطرہ تصور کیے جاتے ہیں۔