مقبوضہ بیت المقدس – (فلسطین نیوز۔مرکز اطلاعات) اسرائیل کے عبرانی ہفت روزہ جریدے نے انکشاف کیا ہے کہ مقبوضہ بیت المقدس میں قائم اسرائیلی بلدیہ کے زیرانتظام پلاننگ وتعمیرات کمیٹی نے زیر زمین سرنگوں کے ایک نئے منصوبے کی منظوری دی ہے۔ یہ سرنگ مشرقی بیت المقدس کی صہیونی کالونیوں کو مغربی القدس کی کالونیوں سے باہم ملانے کا کام دے گی۔
فلسطین نیوز کو موصول ہونے والی اطلاعات کے مطابق عبرانی جریدے ’کول ھعیر‘ نے اپنی رپورٹ میں بتایا ہے کہ شہر کے مشرق میں یہ سرنگ معالیہ ادومیم کالونی اور دیگر کالونیوں سے شروع ہونگی جو شہر کے مغربی حصے میں تل الفرنسیہ کی شاہراہ 9 تک جائے گی۔
سرنگوں کا یہ نیٹ ورک چار کلو میٹر پر محیط ہوگا۔ تلہ الفرنسیہ ان کا مرکزی چوک ہوگا وہاں سے دو سرنگیں معالیہ ادومیم اور دو اس کی مخالف سمت میں ہوتی۔ اس طرح یہ سرنگیں معالیہ ادومیم، راموت، بسغات زئیو، النبی یعقوب، کوکا کولا چوک سے ہوتے ہوئے تلہ الفرنسیہ کے شاہراہ 9 پر اشارے تک جائے گی۔ ان سرنگوں سے دونوں طرف سے چھوٹی گاڑیوں کی آمد روفت کی مکمل سہولت فراہم کی جائے گی۔