مقبوضہ بیت المقدس – (فلسطین نیوز۔مرکز اطلاعات) اسرائیلی فوج نے جمعہ کے روز مقبوضہ بیت المقدس کے قریب شعفات مہاجر کیمپ سے نوجوان علاء ناباتا اور شعفات ناکے کے قریب سے عامر علقم کو حراست میں لے لیا گیا۔
فلسطین نیوز کو موصول ہونے والی اطلاعات کے مطابق شمالی بیت المقدس کے علاقے میں قلندیہ مہاجر کیمپ کے داخلی دروازے کے قریب اسرائیلی فوج اور فلسطینی نوجوانوں کے درمیان جھڑپوں کا سلسلہ جاری رہا۔اس کے علاوہ اسرائیلی حکام نے بیت المقدس کے رہائشی محمد عودہ کو رہا کردیا۔ عودہ کو 100 شیکل کی ضمانت اور اس شرط پر رہا کیا گیا ہے کہ انہیں سات دنوں کے لئے گھر میں نظر بند جبکہ ایک ماہ کے لئے فیس بک کے استعمال پر پابندی کا سامنا کرنا پڑے گا۔
بیت المقدس کے ہی سلوان قصبے سے تعلق رکھنے والے مجد العوار اور محمد ابو طایح کو بھی ایک ہفتے کے لئے نظر بندی اور 500 شیکل کی ضمانت کے عوض رہا کیا گیا۔