مقبوضہ بیت المقدس (فلسطین نیوز۔مرکز اطلاعات) اسرائیلی داخلی سلامتی کے خفیہ ادارے’شاباک‘ کی جانب سے فلسطین کے مقبوضہ مغربی کنارے میں اسلامی تحریک مزاحمت ’حماس‘ کے ایک مزحمتی سیل کو حراست میں لینے کا دعویٰ کیا ہے۔
فلسطین نیوز کو موصول ہونے والی اطلاعات کے مطابق خفیہ ادارے’شاباک‘ کی طرف سے جاری کردہ ایک بیان میں کہا گیا ہے کہ حماس کی طرف سے مزاحمتی کارروائیوں کی منصوبہ بندی کے لیے خفیہ سیل تشکیل دیاتھا۔ اس خفیہ سیل سے وابستہ متعدد فلسطینی مزاحمت کاروں کو حراست میں لیا گیا ہے۔’شاباک’ کا کہنا ہے کہ غرب اردن میں مزاحمتی کارروائیوں میں ملوث پانچ افراد کی گرفتاری کے بارے میں ذرائع ابلاغ کو آگاہ کرنے کی اجازت دے دی گئی ہے۔
اسرائیلی خفیہ ادارے کے مطابق گرفتار فلسطینی سیل غزہ کی پٹی سے تعلق رکھنے سابق فلسطینی اسیر عبداللہ عرار کے احکامات پر عمل درآمد کرتا رہا ہے۔ عبداللہ عرارکو سنہ 2011ء میں قیدیوں کے تبادلے کے دوران رہا کیا کیا گیا تھا۔
صیہونی حکام کے مطابق فلسطینی سیل کو گذشتہ برس اکتوبر میں حراست میں لیا گیا تھا۔ ان کی گرفتاری اسرائیلی پولیس، انٹیلی جنس اداروں اور خفیہ ادارے شاباک کے مشترکہ آپریشن میں عمل میں لائی گئی تاہم ان گرفتاری کے بارے میں معلومات صیغہ راز میں رکھی گئی تھیں۔