وادی گولان (فلسطین نیوز۔مرکز اطلاعات) اسرائیلی فوج نے شام کے مقبوضہ وادی گولان میں بارودی سرنگوں کی صفائی کی مہم شروع کی ہے۔
فلسطین نیوز کو موصول ہونے والی اطلاعات کے مطابق اسرائیلی فوج نے عمومی مبصر کے طور پر وادی گولان میں بچھائی گئی سیکڑوں بارودی سرنگوں کی تلفی کا کام شروع کیا ہے۔اسرائیل کے عبرانی ٹی وی 2 کی رپورٹ کے مطابق مقبوضہ وادی گولان میں بارودی سرنگوں کی تلفی کا کام وزارت دفاع کی زیرنگرانی شروع کیا گیا ہے۔ وادی گولان میںسرنگوں کی تلفی کا سلسلہ شروع گذشتہ اگست میں شروع کیا گیا تھا۔ بعض وجوہ کی بنا پر اسے معطل کردیا گیا تھا تاہم یہ کام دوبارہ شروع کیا گیا ہے۔ بارودی سرنگوں کی تلفی کا سلسلہ اگلے تین سال تک جاری رہے گا۔ اس پرÂ لاکھوں ڈالر کی رقم مختص کی گئی ہے۔
رپورٹ کے مطابق وادی گولان میں 2000 سے 3000 ہزار دونم کے علاقے پر ہزاروں کی تعداد میں بارودی سرنگیں بچھائی گئی ہیں۔ بحیرہ طبریا اور وادی گولان کے کل 10 فی صد علاقے پر بارودی سرنگیں موجود ہیں۔
رپورٹ کے مطابق وادی گولان میں باردی سرنگوں کی تلفی کی مہم کا اصل مقصد وہاں پر قائم کی گئی صیہونی کالونیوں کو وسعت دینا ہے۔
رپورٹ میں بارودی سرنگوں کی تلفی کی نگران اتھارٹی کے چیئرمین مارسیل افیف کا بیان نقل کیا گیا ہے جس میں ان کا کہنا ہے کہ اب تک 500 سے 600 کھیتوں سے بارودی سرنگیں صاف کی گئی ہیں۔ اگلے مرحلے میں مزید 700 کھیتوں سے بارودی سرنگیں تلف کی جائیں گے۔