مقبوضہ بیت المقدس (فلسطین نیوز۔مرکز اطلاعات) فلسطین نیشنل پروگریسیو موومنٹ کے سیکرٹری جنرل ڈاکٹر مصطفیٰ البرغوثی نے آئرلینڈ کی سینٹ میں اسرائیلی مصنوعات کے بائیکاٹ کی حمایت میں آئینی بل کی منظوری کو صیہونی ریاست کے بائیکاٹ کی عالمی تحریک ‘BDS’ کی فتح اور کامیابی قرار دیا ہے۔
فلسطین نیوز کو موصول ہونے والی اطلاعات کے مطابق فلسطینی رہنما ڈاکٹر البرغوثی نے ایک بیان میں کہا کہ کسی یورپی ملک کی طرف سے مقبوضہ مغربی کنارے میں قائم اسرائیل کے غیرقانونی کارخانوں کی مصنوعات کے بائیکاٹ کی حمایت کرنا غیر مسبوق اقدان ہے۔ انہوں نے کہا کہ آئرش پارلیمنٹ نے صیہونی ریاست کی مصنوعات کی درآمدات پر مکمل طور پر پابندی کے حق میں قانون منظور کرکے مظلوم فلسطینی قوم کے دل جیت لیے ہیں۔بیان میں مزید کہا گیاہے کہ آئرلینڈ کی پارلیمنٹ نے صیہونی مصنوعات کے بائیکاٹ کا بل منظور کرکے فلسطین میں صیہونی ریاست کی توسیع پسندی پر طمانچہ رسید کیا ہے۔
انہوں نے آئرش سینٹرت بلاک کا خصوصی شکریہ ادا کیا جن کی مساعی سے فلسطینیوں کی حمایت اور صیہونی ریاست کے توسیع پسندانہ حربوں کے خلاف بل منظور کیا گیا ہے۔