(روز نامہ قدس ۔آنلائن خبر رساں ادارہ )صیہونی بحریہ نے فلسطینی ماہی گیروں پر اس وقت فائرنگ کی اور آنسو گیس کے گولے داغے جب وہ غزہ کے مقررکردہ سمندر میں اپنے معاش میں مصروف تھے۔
مقامی ذرائع کے مطابق غیر قانونی صیہونی ریاست کی بحریہ نے آج صبح مقبوضہ فلسطین کے محصور شہر غزہ کے سمندر میں فلسطینی ماہی گیروں پر اچانک حملہ کردیا ۔
عینی شاہدین کے مطابق غاصب فوجیوں نے ماہی گیروں پر براہ راست فائرنگ کی اور آنسوگیس کےگولے داغے جس کے باعث ماہی گیروں کو ساحل پر واپس آنا پڑا۔
