(روز نامہ قدس ۔آنلائن خبر رساں ادارہ ) اسرائیلی فوج نے کہا کہ وہ آنے والے دنوں میں غزہ شہر میں ’غیر معمولی آپریشن‘ کریں گے اور شہری واپسی کی اجازت کے اعلان کے بعد اپنے گھروں کو واپس جاسکیں گے۔
اسرائیلی فوج نے 24 گھنٹے کے اندر تمام 10 لاکھ سے زائد شہریوں کو شمالی غزہ چھوڑ کر جنوبی غزہ جانے کا الٹی میٹم دے دیا، جبکہ تل ابیب کے متوقع زمینی حملے سے قبل ٹینک غزہ کی پٹی کے قریب پہنچ گئے۔
مقامی ذرائع کے مطابق غیر قانونی صیہونی ریاست اسرائیل کے وزیردفاع یوآو گیلانٹ نے جمعرات کو کہا تھا کہ ’یہ جنگ کا وقت ہے‘، اسرائیل کی جانب سے غزہ پر بھاری بمباری جاری ہے، جس کے نتیجے میں 500 بچوں اور 350 سےزائد خواتین سمیت 1537 شہری شہید ہوچکے ہیں۔