(روزنامہ قدس ۔آن لائن خبر رساں ادارہ) عینی شاہدین نے بتایا کہ قابض فوج نے مسافر یطا میں التوانہ، المرکزم اور الفخیت میں فلسطینیوں کے گھر مسمار کیےان مکانات کی مسماری کا اقدام حال ہی میں اسرائیلی عدالت کے فیصلے کے تحت کیا گیاہے۔
ذرائع سے موصولہ اطلاعات کے مطابق گذشتہ روز قابض صہیونی ریاست میں اسرائیلی فوج نے فلسطینیوں کے شہر الخلیل اور بیت لحم میں انہدامی کی کارروائی کر تے ہوئے 8رہائشی مکانات، مویشیوں کے متعدد باڑے اور زرعی فارم مسمار کردیے جبکہ بیت لحم میں حویزہ کےمقام پر فلسطینی شہری احمد نضال برغوث کا 90 مربع میٹر پر بنا مکان بھی مسمار کردیا۔
عینی شاہدین نے بتایا کہ قابض فوج نے مسافر یطا میں التوانہ، المرکزم اور الفخیت میں فلسطینیوں کے گھر مسمار کیےجبکہ مسافر یطا میں فلسطینیوں کے مکانات کی مسماری کا اقدام حال ہی میں اسرائیلی عدالت کے فیصلے کے تحت کیا گیاہےجس میں اسرائیلی سپریم کورٹ نے جنوبی الخلیل کے علاقے مسافر یطا میں فلسطینیوں کی 12 رہائشی بستیوں کے مکانات مسمار کرنے اور رہائشیوں کو وہاں سے بے دخل کرنے کے حق میں فیصلہ دیا تھا۔
