(روزنامہ قدس ۔آن لائن خبر رساں ادارہ) فلسطینی نوجوانوں اور قابض فوج کے درمیان جھڑپوں میں 10 افراد کے زخمی ہو نے کی اطلاعات ہیں ان میں بعض کی حالت تشویش ناک بتائی جاتی ہے۔
تفصیلا ت کے مطابق مقبوضہ مغربی کنارے کے شہر جنین میں قابض اسرائیلی فوج نے آج جمعے کے روزفلسطینی پناہ گزین کیمپ سے ملحقہ علاقے الہدف میں پر تشدد چھاپہ مار مہم کاآغاز کیا جس کے نتیجے میں فلسطینیوں اور صہیونی فوج کے مابین فائرنگ کا تبادلہ ہوا اور مسلح فلسطینیوں کے ساتھ شدید جھڑپیں ہوئیں۔
سوشل میڈیا پر وائرل ہونے والی ویڈیو میں دیکھا جا سکتا ہے کہ اسرائیلی فورسز نے علاقے میں کارروائی کے دوران کئی مقامات اور گھروں کی چھتوں پر صہیونی اہلکاروں کو تعینات کر دیا اورالدبعی خاندان کے گھر کا گھیراؤ کرکے لاؤڈ اسپیکروں کے ذریعے گھر میں موجود دو نوجوانوں کو باہر آنے کے لیے کہا کارروائی کے دوران میں اسرائیلی فوج نے کئی مقامات اور گھروں کی چھتوں پر صہیونی اہلکاروں کو تعینات کردیا جن میں سے ایک نے خود کوصہیونی فوج کے حوالے کردیا جب کہ دوسرا ابھی تک گھر میں موجود ہے۔
فلسطینی نوجوانوں اور قابض فوج کے درمیان جھڑپوں میں 10 افراد کے زخمی ہو نے کی اطلاعات ہیں ان میں بعض کی حالت تشویش ناک بتائی جاتی ہے۔
یاد رہے کہ گذشتہ دنوں کے دوران جنین میں غیر معمولی نوعیت کی کشیدگی دیکھنے میں آ ئی ہے بالخصوص فلسطینی خاتون صحافی شیرین ابو عاقلہ کی شہادت کے بعد جو جنین کیمپ کے واقعات کی کوریج کے دوران میں اسرائیلی فوج کی فائرنگ سے سر میں گولی لگنے کے بعد جان کی بازی ہار گئی تھیں۔
Watch | Israeli occupation forces cordon off a building in Jenin camp and target it with heavy fire. pic.twitter.com/t19wKYB6YP
— Quds News Network (@QudsNen) May 13, 2022
