(روز نامہ قدس ۔آنلائن خبر رساں ادارہ ) حماس کے سربراہ اعلیٰ سطح کے وفد کے ہمراہ آج روسی وزیرخارجہ سمیت اہم حکومتی عہدیداران سے ملاقات کریں گے۔
مقبوضہ فلسطین میں غیر قانونی صہیونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے میڈیا ایڈوائزر طاہر النونو کی جانب سے جاری کردہ بیان میں میں بتایا گیا ہے کہ گذشتہ روز روس کی دعوت پر حماس کے سیاسی شعبے کے سربراہ اسماعیل ھنیہ کی قیادت میں حماس کا اعلیٰ سطی کا وفد روس کے دارالحکومت ماسکو پہنچا ہے۔
النونو نے اشارہ کیا کہ "روسی وزارت خارجہ کی دعوت پر ہونےو الایہ دورہ کئی دنوں پر مشتمل ہے جس کا مقصد فلسطینی کاز کی خدمت کے لیے دو طرفہ تعلقات کے امکانات پر تبادلہ خیال کرنا ہے۔”
یہ بھی پڑھیے
اسماعیل ہنیہ کا صہیونی دھمکیوں کے باوجود دورہ روس کا فیصلہ
بیان میں بتایا گیا کہ آج حماس کا وفد روسی وزیر خارجہ سرگئی لاوروف سے ملاقات کرے گا جبکہ اس کے بعد متعدد روسی رہ نماؤں اور حکام سے بھی ملاقاتیں طے کی گئی ہیں۔
بیان میں کہا ہے کہ قیادت کے وفد میں تحریک کے نائب سربراہ صالح العاروری اور پولیٹیکل بیورو کے اراکین موسیٰ ابو مرزوق اور ماہر صلاح بھی شامل ہیں۔
بیان میں بتای گیا ہے کہ حما سسس کا یہ دورہ خطے اور دنیا کے لیے ایک انتہائی اہم موقع پر ہو رہا ہے، کیونکہ بین الاقوامی پیش رفت اور خطے سے متعلق تبدیلیوں اور فلسطینی کاز پر ان کے اثرات پر تبادلہ خیال کیا جائے گا۔ حماس کا وفد روسی حکام کو فلسطین کی تازہ ترین صورت حال سے بھی آگاہ کرے گا۔
واضح رہے کہ یہ دورہ حماس کے بین الاقوامی تعلقات کے دفتر کے سربراہ موسیٰ ابو مرزوق کی سربراہی میں گزشتہ مئی میں ماسکو کے دورے کے بعد ہوا ہے، جس کا مقصد روسی حکام کے ساتھ کئی اہم فائلوں پر بات چیت کرنا ہے۔