مرکزاطلاعات فلسطین سے گفتگو کرتے ہوئے الشیخ حسن یوسف کا کہنا تھا کہ ترکی میں اسلام پسندوں کی انتخابی معرکے میں فتح حق اور سچ کی فتح ہے۔ جھوٹ پھیلانے اور اسلام پسندوں کو بدنام کرنے والوں کو اپنے کیے کی سزا ملی ہے۔ انہوں نے کہا کہ اسلامی پسند جماعتوں کو تنقید کا نشانہ بنانے والوں کا اصل مسئلہ اسلام ہے، لیکن یہ بھی سب کو معلوم ہے کہ شفاف، دیانت دار اور امین قیادت صرف اسلام پسند جماعتیں ہی فراہم کرسکتی ہیں۔
ایک سوال کے جواب میں فلسطینی سیاست دان کا کہنا تھا کہ ترکی میں جسٹس پارٹی اور وزیراعظم رجب طیب ایردوآن کے مخالفین کی جانب سےشکوک و شبہات کی فضاءکو عام کرنے میں کوئی کسر نہیں چھوڑی گئی۔ اپوزیشن نے ترک حکومت کو بدنام کرنے کے لیے ہر حربہ استعمال کیا لیکن جسٹس پارٹی مخالفین کی تنقید باوجود پہلے سے کہیں زیادہ طاقتور بن کر سامنے آئی ہے۔
الشیخ حسن یوسف کا کہنا تھا فلسطینیوں کے ترکی کا مفاد عزیز ہے، ہمیں عرب دنیا، خطے اور پوری دنیا میں ترک قوم کے مفادات کا خیال رکھنا چاہیے۔