اسرائیلی جیل انتظامیہ نے”ھداریم” جیل میں قید تنہائی میں ڈالے گئے تمام فلسطینی اسیران کی تنہائی کی سزا ختم کردی ہے۔ جس کے بعد تمام اسیران کو عمومی قید خانوں میں ڈال گیا ہے۔
مرکزاطلاعات فلسطین کے نامہ نگار کے مطابق بدھ کے روز صہیونی جیل انتظامیہ نے ھداریم کی جیل میں تنہائی کے سزا یافتہ تمام اسیران تنہائی کی سزا ختم کر دی ہے۔ جس کے بعد ان اسیران کو عام اسیران کی بیرکوں میں لایا گیا ہے، ان میں حسن سلامہ، ، عاہد ابو غلمہ، احمد السعدات، محمود عیسیٰ، عباس السید، محمد عرمان، جمال ابوالھیجاء، عبداللہ البرغوثی، احمد الغربی، محمود العارضہ، رزق رجوب، صابر ابو زیاب، ابراہیم حامد، ولید خالد، باجس نخلہ، ضرار ابو سیسی، منذرالجعبہ، رائد ابوظاہر، معتز حجازی، اور دیگر شامل ہیں۔ مذکورہ تمام نام اسرائیل کی کئی دیگر جیلوں سے بھوک ہڑتال شروع کیے جانے کے بعد "ھداریم” جیل منتقل کیے گئے تھے۔
بشکریہ: مرکز اطلاعات فلسطین