اردن کے ایک سپورٹس کلب نے کھیلوں کا سامان بنانے والی بین الاقوامی کمپنی "ایڈی ڈاس” کا بائیکاٹ کرنے کا فیصلہ کیا ہے۔ یہ فیصلہ کمپنی کی جانب سے اسرائیل میں ہونے والی میراتھن کو اسپانسر کرنے کی بنا پر کیا گیا ہے۔
عمان میں قائم یرموک اسپورٹس کلب نے اردن سمیت عالم اسلام اورعرب دنیا کے کلبوں سے اپیل کی ہے کہ وہ ایڈی ڈاس کی اس حرکت پر اپنا ردعمل اس کی پراڈکٹس کا بائیکاٹ کر کے کریں کیونکہ کمپنی کا اسرائیلی میراتھن کو اسپانسر کرنے کا فیصلہ عرب اور مسلمان کھلاڑیوں کے لئے دل آزاری کا باعث بنا ہے۔
کلب نے نوجوانوں کے امور کے عرب وزراء کی جانب سے ریاض میں ہونے والی کانفرنس کے موقع پر ایڈی ڈاس کے بائیکاٹ کے فیصلے کو بھی خراج تحسین پیش کیا ہے۔
بشکریہ: مرکز اطلاعات فلسطین