"یہودی بستیوں کی تعمیر اسرائیل کی انتخابی مہم کا حصہ”

فلسطین میں سرکاری سطح ‌پر جاری ہونے والی ایک رپورٹ میں کہا گیا ہے کوئی دن ایسا نہیں ‌گذرتا جس میں مقبوضہ فلسطینی علاقوں میں یہودی بستیوں کی تعمیرو توسیع، فلسطینی شہریوں کی املاک کی تباہی، غاصبانہ قبضے اور مکانات مسماری کا کوئی واقعہ رونما ہوتا ہے۔ یہ پالیسی اسرائیل کی اب تک کی تمام حکومتوں کی رہی ہے اور انتخابات آنے پر صہیونی حکومتوں کی اس جارحانہ پالیسی میں غیرمعمولی تیزی آجاتی ہے۔

مرکز اطلاعات فلسطین کے مطابق تنظیم آزادی فلسطین کے زیرانتظم ادارے "مرکز برائے دفاع اراضی ومزاحمت برائے یہودی آباد کاری” کی جانب سےجاری رپورٹ‌ میں کہا گیا ہے کہ فلسطین میں اسرائیل کی غیرقانونی یہودی بستیوں کی تعمیرو توسیع میں ‌جس چیز اسرائیل کی حوصلہ افزائی کی وہ عالمی برادری کی مجرمانہ خاموشی ہے۔ عالمی برادری نے اسرائیل کے غیرقانونی توسیع پسندانہ اقدامات پرخاموشی اختیار کرکے یہودی آباد کاری کو آئینی جواز فراہم کیا۔

رپورٹ میں کہا گیا ہے کہ فلسطین میں یہودی آباد کاری کی تازہ لہر ایک ایسے وقت میں دیکھی گئی ہے جب اسرائیل میں وسط مدتی پارلیمانی انتخابات سر پر ہیں۔ تمام سیاسی جماعتیں  یہودیوں کا ووٹ بنک حاصل کرنے کے لیے فلسطینی علاقوں میں‌ یہودی کالونیوں کی توسیع میں بڑھ چڑھ کرحصہ لے رہی ہیں۔ فلسطینیوں‌ کی املاک پرحملے تیز ہوچکے اور شہریوں کی اراضی اور املاک ہتھیانے کے واقعات میں ‌بھی غیرمعمولی اضافہ ہوچکا ہے۔ یہ سب اسرائیل کی انتخابی مہم کا حصہ ہے۔ رپورٹ کے مطابق مقبوضہ مغربی کنارے اور بیت المقدس میں 450 نئے مکانات کی تعمیر کا اعلان اسرائیل کی اسی انتخابی مہم کا حصہ ہے۔

بشکریہ:مرکزاطلاعات فلسطین