مرکز اطلاعات فلسطین کے مطابق الشیخ رائد صلاح نے ان خیالات کا اظہار ام الفحم شہر میں فلسطینی بھوک ہڑتالی اسیران کے ساتھ اظہار یکجہتی کے لیے نکالے گئے ایک احتجاجی جلوس سے خطاب میں کیا۔ انہوں نے کہا کہ اسرائیل جس ڈھٹائی اور ہٹ دھرمی کے ساتھ فلسطینی اسیران کو ڈیل کررہا ہے۔ عالم اسلام کو اسی شدت کے ساتھ صہیونی ہٹ دھرمی کا جواب دینا چاہیے۔ عالم اسلام کو چاہیے کہ وہ بھوک ہڑتالی فلسطینی قیدیوں کے معاملے میں جرات اور بہادری کا مظاہرہ کرے۔
الشیخ رائد صلاح نے فلسطینی جماعتوں حماس اور الفتح کے درمیان قومی مفاہمت اور قومی حکومت کی تشکیل کو اہم پیش رفت قرار دیا اور تمام فلسطینی دھڑوں پر زور دیا کہ وہ اپنی صفوں میں اتحاد پیدا کریں۔
احتجاجی جلوس سے یوسف الصدیق فاؤنڈیشن کے سربراہ فراس العمری نے بھی خطاب کیا۔ انہوں نے بھی فلسطینی دھڑوں میں اتحاد اور قیدیوں کی رہائی کے لیے مشترکہ مساعی کی ضرورت پر زور دیا۔ الشیخ فراس العمری کا کہنا تھا کہ اسرائیلی جیلوں میں انتظامی حراست میں رکھے گئے قیدیوں کی بھوک ہڑتال ختم ہونے تک وہ مظاہروں اور جلسے جلوسوں کا اہتمام جاری رکھیں گے۔