فلسطینی سیاسی اور سماجی کارکنوں نے انسانی حقوق کی تنظیموں کے تعاون سے مقبوضہ بیت المقدس میں شیخ جراح کے مقام پر اسرائیل نوازوں اور صہیونیوں کے درمیان ہونےوالے”دوستی”اجلاس کو ناکام بنا دیا ہے۔
یہ کانفرنس بیت المقدس میں”لامبسارو” ہوٹل میں جاری تھی کہ باہر سیکڑوں فلسطینی سماجی کارکن جمع ہوگئے اور انہوں نے اسرائیل سے تعلقات کے قیام کے خلاف شدید نعرے بازی شروع کردی، جس کے بعد ہوٹل کے اندر موجود صہیونی اور ان کےفلسطینی دوست وہاں سے بھاگ کھڑے ہوئے۔
یہ واقعہ رام اللہ میں پیش آئے اسی نوعیت کے ایک دوسرے واقعے کے محض دو روز بعد پیش آیا ہے۔ دو دن پیشتر رام اللہ میں "البیرہ” کے مقام پر فلسطینی اتھارٹی اور الفتح کے بعض صہیونیت نوازوں نے اسرائیلیوں کو مدعو کر رکھا ہے۔ یہ ملاقات رام اللہ کے”سٹی ان ” ہوٹل میں جاری تھی کہ فلسطینی شہریوں نے ہوٹل پر ہلہ بول دیا، جس کے بعد فریقین کو وہاں سے بھاگنے کے سوا کوئی چارہ نہ تھا۔
مرکزاطلاعات فلسطین کے مطابق سماجی کارکنوں نے سماجی رابطے کی ویب سائیٹ "فیس بک” اور "ٹیوٹر” پر اس خبرکی تصدیق کی ہے اور صہیونیوں کے ساتھ دوستی بڑھانے اور تعلقات استوار کرنے والوں کی سازش کو ناکام بنانے پر کارکنوں کو مبارک باد پیش کی گئی ہے۔
بشکریہ:مرکزاطلاعات فلسطین