(روزنامہ قدس ۔آن لائن خبر رساں ادارہ)ذرائع نے بتایا کہ حساس اداروں کی معلومات کے مطابق قابض ریاست کے صہیونی حکومت غزہ کی پٹی میں حماس کے سربراہ یحییٰ السنوار کو قتل کرنے کی منصوبہ بندی کر رہی ہے۔
تفصیلات کے مطابق مقبوضہ فلسطین کے محصورعلاقے غزہ میں صہیونی ریاستی دہشت گردی کےخلاف برسر پیکار اسلامی مزاحمتی تحریک حماس کےسیاسی شعبے کے رہنما یحییٰ السنوار کی رمضان المبارک کے دوران القدس میں شدید کشیدگی کے نتیجے میں فلسطینیوں کے حملے اوران کی حوصلہ افزائی کےلیے کی گئی تقریرکے خلاف قابض ریاست اسرائیل کی جانب سے قتل کی دھمکیوں پرتحریک کے عسکری ونگ اور دیگر فلسطینی دھڑوں کی جانب سے شدید ردعمل کا اظہار کیا گیا ہے۔
القسام بریگیڈ کے ترجمان ابو عبیدہ نے یحییٰ السنوار کو قتل کرنے کےدشمن کے ارادے کے خلاف خبردارکرتے ہوئے کہا کہ بزدل اسرائیلی قبضے کی طرف سے یحییٰ السنوار یا مزاحمتی لیڈروں میں سے کسی کے ممکنہ قتل کی دھمکیاں خطے میں بھونچال اور ایک بے مثال ردعمل کا اشارہ ہیں جس کے نتیجے میں ہم صیہونی حکومت کی تاریخ میں ایک نیا تباہ کن باب رقم کریں گے۔
ذرائع نے بتایا کہ حساس اداروں کی معلومات کے مطابق قابض ریاست کے صہیونی حکام غزہ کی پٹی میں حماس کے سربراہ یحییٰ السنوار کو قتل کرنے کی منصوبہ بندی کررہی ہے، فلسطینیوں کے حملوں کے جواب میں غزہ میں فوجی آپریشن کرنے کی اسرائیلی دھمکیوں میں اضافہ ہوا ہے۔
واضح رہے کہ حماس رہنما نے اپنی عوامی تقریر میں کہا تھا کہ’ ہمیں آگے بڑھنے، سرحدوں کو توڑنے اور اس تلخ حقیقت کو بدلنے کے لیے تیار ہونا چاہیے جس میں ہماری قوم رہ رہی ہے۔ ہم اپنی پوری طاقت کے ساتھ تلوار کے استعمال سے دریغ نہیں کریں گے اور ہم اپنے لوگوں کا دفاع کریں گے۔