مقبوضہ بیت المقدس: صیہونی ریاست کا 400 نئے صیہونی رہائشی یونٹس بنانے کا فیصلہ

(روز نامہ قدس ۔آنلائن خبر رساں ادارہ ) صیہونی حکام کا قبضہ شدہ علاقہ 15 ہزار سے زائد فلسطینیوں کی ملکیت ہے جن کو صیہونی فوج نے جبری  طورپر  اپنی زمین سے بے دخل کردیا ہے۔

غیر قانونی صیہونی ریاست کے معروف اخبار ٹائمز آف اسرائیل نے گذشتہ روز اپنی  رپورٹ  میں انکشاف کیا ہے کہ اسرائیلی میونسپلٹی نے مقبوضہ یروشلم کے مشرق میں ابو دیس کے مقبوضہ قصبے میں 400 غیر قانونی بستیوں کی تعمیر کے منصوبے کا اعلان کیا ہے۔

یہ قصبہ 15,000 فلسطینیوں کی ملکیت ہے جن کو صیہونی فوج نے جبری طورپر اس زمین سے بے دخل کردیا ہے اور اب یہاں غیر قانونی صیہونی آبادکاروں کے لئے رہائشی یونٹس کی تعمیر کا فیصلہ کیا گیا ہے۔

رپورٹ میں بتایا گیا ہے کہ "ابو دیس کو یہودی بستی میں تبدیل کرنا اور اس کو بیت المقدس کے مرکز تک ایک راہداری کی صورت میں گزرگاہ بنانے کے وژن  کا حصہ ہے، اس طرح پورے شہر پر قبضے کو فروغ دیا گیا،”