(روز نامہ قدس ۔آنلائن خبر رساں ادارہ ) فلسطینی مجاہدین نے غاصب فوجیوں پر فائرنگ کے حملوں کے علاوہ دھماکہ خیز آلات سے بھی کارروائیاں کیں۔
فلسطینی ذرائع ابلاغ کے مطابق مقبوضہ فلسطین کے مغربی کنارے اور بیت المقدس کے مختلف علاقوں میں فلسطینی مجاہدین کی جانب سے صہیونی فورسز کے خلاف مزاحمتی کارروائیاں جاری ہیں، گذشتہ چوبیس گھنٹوں کے دوران سولہ کارروائیاں ریکارڈ کی گئیں، جن میں فائرنگ سمیت 3 بارودی آلات کو دھماکہ خیز مواد سے اڑا دینا اور آباد کاروں کی دو گاڑیوں کو تباہ کرنا شامل ہے۔
مغربی کنارے کے آٹھ الگ الگ علاقوں میں قابض فوج کے ساتھ جھڑپوں کی نشاندہی کی، اس دوران پتھراؤ کی کارروائیاں ہوئیں۔
مقبوضہ بیت المقدس کے قصبے سلوان میں نوجوانوں اور قابض فوج کے درمیان شدید جھڑپیں ہوئیں، اس دوران قلندیہ چوکی کے قریب بارودی مواد کے دھماکوں کے علاوہ فلسطینی نوجوانوں نے پتھراؤ کیا۔
قلقیلیہ کے قصبے عزون میں آباد کاروں کے حملوں کا سامنا کرنے اور آباد کاروں کی گاڑیوں کو تباہ کرنے کے علاوہ رام اللہ کے شہر سلواد میں بھی فلسطینی شہریوں اور قابض فوج کے در میان تصادم ہوا۔
نابلس میں چیک پوائنٹ 17 کے قریب کے علاقے میں قابض فوجیوں پر فائرنگ کے حملے کے علاوہ دھماکہ خیز آلات سے حملہ کیا۔
فلسطینیوں نے شاوی شمرون یہودی بستی کے قریب آباد کاروں کے حملوں کا سامنا کیا، اس کے علاوہ آباد کاروں کی متعدد گاڑیوں کو تباہ کر دیا۔
دوسری طرف جنین میں اسرائیلی قابض افواج کے ساتھ جھڑپیں ہوئیں۔
دھماکا خیز آلات سے دھماکا کرنے کی کارروائیوں کا دائرہ الخلیل کے قصبے بیت امر تک پھیل گیا، جہاں قابض فورسز کے ساتھ جھڑپیں ہوئیں اور فلسطینیوں کی طرف سے اسرائیلی فوجیوں پر پتھراؤ کیا گیا۔