(روز نامہ قدس ۔آنلائن خبر رساں ادارہ ) فلسطینی مزاحمت کاروں نے ہمیشہ ہی غاصب دشمن کو ایسا منہ توڑ جواب دیا ہے جس کے بعد کئی ماہ تک دشمن اپنے زخم چاٹنے پر مجبور ہوجاتا ہے۔
مقبوضہ فلسطین میں غیر قانونی صہیونی ریاست اسرائیل کےمظالم کے خلاف برسرپیکار مسلح مزاحمتی تحریک اسلامی جہاد کے عسکری ونگ القدس بریگیڈ نے گذشتہ روز صہیونی فوج کی ریاستی دہشت گردی کے نتیجے میں شہید ہونے والے چار فلسطینی مجاھدین عبد فتحی خازم، ومحمد محمود ألونہ ، وأحمد نظمی علاونہ اورمحمد أبو ناعسہ کی بھرپور مزاحمت کو سراہتے ہوئے کہا کہ اللہ تعالی کے حضور پیش ہونے والے فلسطینی شہداء نے قوم کےساتھ کیا عہد پورا کیا ہے، ہمارے بہادر نوجوان پوری عرب دنیا اور مسلم امہ کی طرف سے اپنی جانوں کے نذرانے پیش کررہے ہیں جس نے صہیونی دشمن کو بوکھلاہٹ میں مبتلا کردیا ہے ۔
القدس بریگیڈز نے کہا کہ فلسطینی قوم اور اسلامی جہاد قابض دشمن کے خلاف جہاد جاری رکھیں گے۔ جہاد ایک فریضہ ہے جسے پورا کرنے کے لیے تمام فلسطینی پیش پیش ہیں۔ ہمارے شہدا خا خون رائے گاں نہیں جائے گا۔
بیان میں کہا گیا ہے کہ کمانڈر عبدالرحمان حازم اور اس کے ساتھیوں نے قابض صہیونی دشمن کے سامنے ڈٹ کرمقابلہ کیا اور دشمن پرواضح کیاکہ فلسطینی قوم کی نئی نسل بھی دشمن کے غاصبانہ قبضے کو قبول کرنے کو تیار نہیں۔
