(روزنامہ قدس ۔آن لائن خبر رساں ادارہ) تحریک حماس نے اسرائیل کے ساتھ تعلقات کو معمول پر لانے کے خلاف عراق کے مؤقف کی تعریف کی اور تمام عرب اور اسلامی دنیا کی پارلیمانوں سے مطالبہ کیا کہ وہ عراقی پارلیمنٹ کےنقش قدم پرچلیں۔
تفصیلات کے مطابق اسلامی مزاحمتی تحریک حماس کے جاری کردہ ایک بیان میں عراق کی پارلیمنٹ میں قابض ریاست اسرائیل کے ساتھ تعلقات کو معمول پر لانے یا اس سے سفارتی تعلقات پیدا کرنے پر پابندی کے بل کی منظوری کو سراہتے ہوئے کہا ہے کہ عراق کا یہ اقدام فلسطینی عوام اور ان کے منصفانہ قومی مقصد کی حمایت میں تاریخی مؤقف کی ترجمانی کرتا ہے۔
تحریک حماس نے اسرائیل کے ساتھ تعلقات کو معمول پرلانے کے خلاف عراق کے مؤقف کی تعریف کی اور تمام عرب اور اسلامی دنیا کی پارلیمانوں سے مطالبہ کیا کہ وہ عراقی پارلیمنٹ کےنقش قدم پرچلیں۔
واضح رہے کہ عراقی پارلیمنٹ کی جانب سے صہیونی ریاست اسرائیل کے ساتھ تعلقات کو معمول پر لانے یاسفارتی تعلقات قائم کرنے پر پابندی لگانے والے بل کی منظوری دے دی گئی ہے جس کا اطلاق عراقی علاقے کردستان پر بھی ہو گا جہاں کچھ عرصہ قبل صہیونی ریاست اسرائیل کی حمایت میں خفیہ طور پر چند عناصر نے نارملائزیشن میں پیشرفت کے لیے ایک کانفرنس بھی منعقد کی تھی۔
