(روز نامہ قدس ۔آنلائن خبر رساں ادارہ )حماس کے وفد نے روسی نائب وزیرخارجہ کو صہیونی ریاست کی نسل پرستی اور قبلہ اول کے خلاف جاری صہیونی جارحیت سمیت غزہ اور فلسطینی قیدیوں پر مظالم کی تازہ ترین صورت حال پر بات چیت کی۔
فلسطین پر قابض غیر قانونی صہیونی ریاست اسرائیل کے مظلام کے خلاف برسرپیکار اسلامی مزاحمتی تحریک حماس کے بیرون ملک بین الاقوامی تعلقات کے سربراہ موسیٰ ابو مرزوق نے گذشتہ روز مشرق وسطیٰ اور افریقہ میں روسی صدر کے خصوصی ایلچی اور روسی نائب وزیر خارجہ میخائل بوگدانوف سے روسی دار الحکومت ماسکو میں ملاقات کی۔
انہوں نے روسی اہلکار سے مسجد اقصیٰ کے خلاف جاری اسرائیلی حملوں اور غزہ کی پٹی اور فلسطینی قیدیوں پر مظالم اور فلسطین کی تازہ ترین صورت حال پر بات چیت کی۔
ابو مرزوق نے فلسطینیوں کے خلاف قابض ریاست کے جرائم کے بارے میں بات کرتے ہوئے زور دیا کہ فلسطینی عوام اپنے حقوق کی پاسداری کرتے ہیں اور حماس تمام دستیاب ذرائع سے اپنے عوام کا دفاع کرے گی۔
دوسری طرف بوگدانوف نے فلسطینی عوام کے حقوق کی حمایت میں اپنے ملک کے دیرینہ موقف کا اعادہ کیا۔ انہوں نے کہا کہ روس خطے میں کشیدگی نہیں چاہتا۔ فریقین کوصبرو تحمل کا مظاہرہ کرنا چاہیے۔
