(روزنامہ قدس ۔آن لائن خبر رساں ادارہ) شیرین ابو عاقلہ کے جسد خاکی کو پوسٹ مارٹم کےبعد فلسطینی پرچم میں لپیٹ کر گارڈ آف آنر پیش کیا اور رام اللہ میں فلسطینی اتھارٹی کے ہیڈ کواٹر میں شہید خاتون کے جسد خاکی کو ہلال احمر فلسطین نےموصول کیا۔
قابض ریاست اسرائیل میں صہیونی فوج کی جارحانہ فائرنگ کا نشانہ بننے والی فلسطینی خاتون صحافی شیرین ابو عاقلہ کو شہادت کے بعد گذشتہ روز فلسطینی شہر رام اللہ میں کنسلٹنٹ ہسپتال سےآخری رسومات کی ادائیگی کے بعدبیت المقدس میں صحافی برادری سمیت مختلف شعبہ ہائے زندگی سے تعلق رکھنے والے ہزاروں افراد کی موجودگی میں مقبوضہ بیت المقدس منتقل کیا گیا۔
اس دوران شیرین ابو عاقلہ کے جسد خاکی کو پوسٹ مارٹم کے بعد فلسطینی پرچم میں لپیٹا گیا اور گارڈ آف آنر پیش کیا اور رام اللہ میں فلسطینی اتھارٹی کے ہیڈ کواٹر میں شہید خاتون کے جسد خاکی کو ہلال احمر فلسطین نےموصول کیا۔
مزید معلومات کے مطابق ابو عاقلہ کی آخری رسومات آج جمعہ کے روز ادا کرنے کے بعد باب الخلیل کے رومن کیتھولیک چرچ کے ’صہیون‘ قبرستان میں سپرد خاک کیا جائے گا۔