فلسطین کے مقبوضہ مغربی کنارے کے مختلف شہروں میں جمعرات کے روز اسرائیلی فوج کی چھاپہ مار کارروائیوں اور گھر گھر تلاشی کے دوران تین بچوں سمیت کم سے کم آٹھ فلسطینیوں کر حراست میں لے لیا گیا ہے۔
مرکز اطلاعات فلسطین کے مطابق صہیونی فوجیوں نے بیت لحم کے مغرب میں نحالین قصبے پر چھاپہ مارا اور پانچ افراد کو حراست میں لے لیا گیا ہے۔
مقامی ذرائع نے پی آئی سی کے نامہ نگار کو بتایا کہ نحالین سے حراست میں لیے جانے والوں کی شناخت عصام غیاظہ، طالب محمود نجاجرہ، ماھر حسن الملط اور مہند طالب شکارنہ کے ناموں سے کی گئی ہے۔ گرفتاری سے قبل اسرائیلی فوجیوں نے ان کے گھروں کی بھی جامہ تلاشی لی۔ ادھر الخلیل شہر میں ایک کارروائی میں تین بچوں کو حراست میں لیے جانے کی اطلاعات ہیں۔
مقامی ذرائع نے بتایا کہ صہیونی فوج نے الخلیل میں جبل التکروری کے مقام پر چھاپہ مارا اور تین کم عمر لڑکوں یزن ابو الحلاوہ، محمود اور احمد متعب کو حراست میں لینے کے بعد نامعلوم مقام پر منتقل کردیا ہے۔
بشکریہ:مرکزاطلاعات فلسطین