فلسطین نیوز کو موصول ہونے والی اطلاعات کے مطابق منگل کو علی الصباح مغربی کنارے کے جنوبی شہر الخلیل میں متفرق مقامات پر تلاشی کی کارروائیوں میں تین افراد کو حراست میں لے لیا گیا۔
عینی شاہدین کا کہنا ہے کہ اسرائیلی فورسز نے الحاووز کے مقام پر ایک فلسطینی کار روک کراس کی تلاشی لی اور اس میں سوار محسن احمد خلیل الجعبہ کو حراست میں لے لیا۔ اسی علاقے میں ایک دوسری کارروائی میں مہند اور محمد نیروخ کو گرفتار کرکے نامعلوم مقام پر منتقل کردیا گیا۔
بیت لحم میں اسرائیلی فوج کی گھر گھر تلاشی کی کارروائیوں میں دو نوجوانوں عماد احمد عبدالکریم القفیہ اور بیس سالہ عدی ھانی طقاطقہ کو ان کے گھروں سے گرفتار کیا گیا۔ تلاشی کی کارروائی میں گھروں میں توڑپھوڑ اور لوٹ مار بھی کی گئی۔
ادھر غرب اردن کے شمالی شہر نابلس اسرائیلی فوج نے تلاشی کی ایک کارروائی میں 10 سال تک اسرائیل کی جیل میں قید رہنے والے فلسطینی وضاح علیان کو گرفتار کیا گیا۔
اسرائیلی فوج نے تلاشی کی کارروائیوں میں جہاں فلسطینی شہریوں کو گرفتار کرکے حراستی مراکز منتقل کردیا وہیں گھروں میں موجود قیمتی سامان کی توڑپھوڑ اور لوٹ مار بھی کی۔