فلسطین کے مقبوضہ مغربی کنارے کے وسطی شہر رام اللہ میں یہودی شرپسندوں نے ترمسعیا کے مقام پر ’عدی عاد‘ نامی ایک یہودی کالونی کے قریب فلسطینیوں کے زیتون کے باغات پر حملہ کرکے پانچ ہزار پودے تلف کردیے ہیں۔
ترمسعیا قصبے کے فلسطینی ذرائع نے مرکز اطلاعات فلسطین کو بتایا کہ یہودی آباد کاروں نے پچھلے ایک ہفتے سے فلسطینی شہریوں کی لگائی پنیری اور بڑے پودوں کی تلفی کا سلسلہ جاری رکھا ہوا تھا۔ یہ پودے سابق فلسطینی وزیر زیاد ابوعین کی شہادت کے بعد لگائے تھے جن کی تعداد آٹھ ہزار تھی۔ یہودی آباد کاروں نے چوری چھپے حملے کرکے کم سے کم پانچ ہزار پودے تلف کردیے ہیں۔
ذرائع کا کہنا ہے کہ زیتون کے پودوں کی تلفی میں یہودی شدت پسندوں کے ساتھ ساتھ اسرائیلی فوج بھی برابر کی قصور وار ہے کیونکہ یہودی فوجیوں کی نگرانی میں یہودی آباد کار فلسطینیوں کے باغات پر حملے کرتے رہے ہیں۔
بشکریہ:مرکزاطلاعات فلسطین