فلسطین نیوز کو موصول ہونے والی اطلاعات کے مطابق اسرائیلی فوج کی بھاری نفری نے فوجی گاڑیوں کے ہمراہ غرب اردن کے شمالی شہر قباطیہ میں چھاپہ مارا۔ تلاشی کے دوران مقامی شہری محمد جوابرہ کو حراست میں لینے کے بعد اس کے گھر کی جامہ تلاشی لی گئی۔ توڑپھوڑ اور لوٹ مار کے ساتھ جوابرہ کے اہل خانہ اور بچوں کو زدو کوب کیا۔
ادھرغرب اردن کے جنوبی شہر بیت لحم مین اسرائیلی فوج نے سابق اسیر محمود فرحان دیریہ کو بیت فجار سے حراست میں لیا۔ اسی علاقے سے اسلامی جہاد کے سنہ 2008ء میں شہید ہونے والے رہنما محمد شحادہ کے بیٹے آیت اللہ محمد شحادہ کو حراست میں لیا گیا۔
رام اللہ میں بیت ریما کے مقام پر تلاشی کے دوران فلسطینی پولیس اہلکار ولید فائق الریماوی کو حراست میں لیا گیا۔ صہیونی فوج کی طرف سے بیت المقدس کے نواحی علاقے بیت عنان میں چھاپہ مارا اور رامی عماد ربیع کو گرفتار کرلیا۔