اسرائیلی میڈیا کی رپورٹس کے مطابق رواں سال کے پہلے چار ماہ میں یوکرین سے 4200 یہودی لا کر مقبوضہ فلسطین میں آباد کیے گئے ہیں۔
عبرانی زبان میں شائع ہونے والے اخبار "یدیعوت احرونوت” کی رپورٹ کے مطابق یوکرین میں دو ماہ قبل پیدا ہونے والے بحران کے بعد اسرائیل نقل
مکانی کرنے والے یہودیوں کی تعداد میں غیرمعمولی اضافہ ہوا ہے۔ آئے روز کسی نہ کسی پرواز میں یوکرین سے یہودی اسرائیل منتقل ہوتے ہیں۔ گذشتہ روز یوکرین کے صدر مقام "کیف” سے آنے والی ایک پرواز کے ذریعے 20 یہودیوں کو اسرائیل لایا گیا۔ یہودیوں کی فلسطینی علاقوں میں منتقلی کا یہ عمل "یہودی عالمی ایجنیسی” کے ذریعے عمل میں لایا گیا۔
بشکریہ:مرکزاطلاعات فلسطین