منگل جون 3 کو اسرائیلی جیلوں میں قید انتظامی اسیران کی جانب سے اپنے مطالبات کے حق میں کی جانیوالی بھوک ہڑتال کو 41واں دن ہوگیا ہے۔
اسرائیلی جیلوں میں قید 120 انتظامی اسیران نےاپریل کے آخر میں غیر معینہ مدت کے لئے بھوک ہڑتال شروع کردی تھی تاکہ اسرائیلی جیلرز ان کو رہا کردیں اور انتظامی حراست کی پالیسی کو ختم کردیں۔
ان اسیران کی بھوک ہڑتال کے بعد تقریبا 1500 فلسطینی اسیران نے بھی اس بھوک مین شرکت اختیار کر لی تھی تاکہ وہ اپنے ساتھی اسیران کے ساتھ اظہار حمایت کرسکیں۔
اسی تناظر میں اسرائیلی اخبار ہارتس نے بتایا ہے کہ اسرائیلی وزیر اعظم بینجمن نیتن یاہو نے سیکیورٹی کابینہ کو ہدایت کی ہے کہ وہ فلسطینی اسیران کو زبردستی کھانا کھلانے کا بل جلد سے جلد منظور کر لیں۔
بشکریہ:مرکزاطلاعات فلسطین