فلسطین کے مقبوضہ علاقوں میں قابض صہیونی فوج کی ریاستی دہشت گردی اور غنڈہ گردی کا سلسلہ رواں ماہ اکتوبر میں عروج پر رہا۔ ایک رپورٹ کے مطابق قابض فوج کی ریاستی دہشت گردی اور پکڑ دھکڑ کی کارروائیوں میں کم سے کم 341 فلسطینی شہریوں کو حراست میں لینے کے بعد جیلوں میں ڈالا گیا ہے۔
حراست میں لیے گئے زیادہ تر شہریوں کا تعلق مغربی کنارے کے مختلف علاقوں سے ہے۔
مرکز اطلاعات فلسطین کے مطابق انسانی حقوق کے گروپ ’’کلب برائے اسیران فلسطین‘‘ کی جانب سے جاری ایک بیان میں بتایا گیا ہے کہ ستمبر میں مغربی کنارے اور بیت المقدس سے 80 فلسطینیوں کو حراست میں لیا گیا تھا۔ ان میں احسان الدبابسہ نامی ایک خاتون بھی شامل تھی۔
بیان میں بتایا گیا ہے کہ بیت المقدس میں کریک ڈائون کے دوران 74 فلسطینیوں کو حراست میں لیا گیا جبکہ بیت لحم سے گرفتار کیے گئے شہریوں کی تعداد 48 بیان کی گئی ہے۔