اسرائیل کے انتہا پسند یہودیوں کی بڑی تعداد نے آج جمعہ کو علی الصباح مقبوضہ مغربی کنارے کے نابلس شہرمیں بلاطہ پناہ گزین کیمپ کے قریب واقع جلیل القدر پیغمبر حضرت یوسف علیہ السلام کے مزار پردھاوا بول دیا۔ اس موقع پر فلسطینی شہریوں اور یہودی آباد کاروں کے درمیان جھڑپیں بھی ہوئیں جن میں کم سے کم اکیس فلسطینی زخمی ہوگئے۔
مرکزاطلاعات فلسطین کے مطابق جمعہ کو علی الصباح فوج اور پولیس کی فول پروف سیکیورٹی میں 1500 سے زاید یہودی بلوائیوں نے حضرت یوسف علیہ السلام کے مزار پریلغار کی اور مذہبی رسومات کی ادائی کے لیے مزار میں گھس گئے۔
یہودی شرپسندوں کو تحفظ فراہم کرنے کے لیے اسرائیلی فوج اور پولیس کے دستے بھی ان کے ہمراہ تھے جنہوں نے چاروں اطراف سے مزار کوگھیرے میں لے لیا۔ مزار پرموجود فلسطینی شہریوں نے یہودیوں کو وہاں سے نکالنے کی کوشش کی تاہم صہیونی فوج کی جانب سے آنسوگیس کی شیلنگ، لاٹھی چارج اور ہوائی فائرنگ کے نتیجے میں کم سے اکیس افراد زخمی ہوگئے۔
عینی شاہدین کے مطابق فلسطینی شہریوں نے یہودی شرپسندوں کے خلاف شدید نعرے بازی بھی کی تاہم قابض فوج نے اندھا دھند طاقت کا استعمال کرکے فلسطینیوں کو منتشر کردیا۔
بشکریہ:مرکزاطلاعات فلسطین