رپورٹ میں بتایا گیا ہے کہ سال 2014ء کے دوران صہیونی حکومت کی جانب سے ایک جانب قبلہ اول کی بنیادوں میں کھدائیوں کا سلسلہ جاری رہا اور مزید گہرائی میں کئی سرنگیں کھودی گئیں۔ اس کے ساتھ ساتھ قبلہ اول کے قرب وجوار کے مقامات پر اسرائیلی توسیع پسندی کے کئی منصوبے شروع کیے گئے۔ بعض منصوبوں کا اعلان کیا یا جنہیں رواں سال میں شروع کیے جانے کا امکان ہے۔
رپورٹ میں خبردار کیا گیا ہے کہ صہیونی حکومت کے ارادوں اور مذموم عزائم سے ایسے لگ رہا ہے کہ مسجد اقصیٰ کی بنیادوں میں کھدائی کا سلسلہ رواں سال مزید شدت اختیار کرے گا اور قبلہ اول کی وقف شدہ اراضی کو یہودی مقاصد کے لیے بھرپور طریقے سے استعمال کیا جائے گا۔
رپورٹ میں مسجد اقصیٰ کی بنیادوں میں کی گئی تازہ کھدائیوں پر بھی روشنی ڈالی گئی ہے اور بتایا گیا ہے کہ قبلہ اول کے جنوب مغربی حصے میں الزاویہ کے مقام سے دیوار براق تک زیر زمین ایک طویل سرنگ کھودی گئی۔ قبلہ اول کی بنیادوں کو کھوکھلا کرنے کے لیے سرنگوں کا مزید ایک جال بچھایا گیا۔ اس کے علاوہ مسجد اقصیٰ کے جنوب میں سلوان کالونی میں باب الخلیل کی بنیادوں میں کئی سرنگیں کھودی گئیں جبکہ العین الفوقا کے مقام پر کھدائیوں کا ایک نیا منصوبہ زیرغور ہے۔
گذشتہ برس صہیونی حکومت کی جانب سے یہودیوں کی براہ راست قبلہ اول تک رسائی کے لیے مراکشی دروازے کی طرف سے لکڑی کا ایک پل بنایا گیا تھا تاہم بعد ازاں اسے فلسطین اور اردن کے احتجاج کے بعد مسمار کردیا گیا تاہم مراکشی دروازےکی بنیادوں میں بھی کھدائیوں کا عمل جاری رہا۔
مراکشی دروازے سے متصل مسجد اقصیٰ کی اراضی پر یہودی خواتین کے لیے ایک معبد تعمیر کیا گیا اور قبلہ اول کے ایک بڑے حصے پر قبضہ کرلیا گیا۔
بشکریہ:مرکزاطلاعات فلسطین