الخلیل (فلسطین نیوز۔مرکز اطلاعات) اسرائیل کی ایک فوجی عدالت نے زیر حراست فلسطینی شہری کو سات سال قید اور دو ہزار شیکل جرمانہ کی سزا کا حکم دیا ہے۔
فلسطین نیوز کو موصول ہونے والی اطلاعات کے مطابق گذشتہ روز اسرائیل کی ’عوفر‘ فوجی عدالت نے 31 سالہ کمال محمد الحیح کے مقدمہ کی سماعت کے دوران اسیر کو سات سال قید اور دو ہزار شیکل جرمانہ کی سزا کا حکم دیا۔اسیر الحیح کا تعلق مقبوضہ مغربی کنارے کے جنوبی شہر الخلیل کے صوریف قصبے سے ہے۔
اسیر کے وکیل اکرم سمارہ نے بتایا کہ اسرائیلی عدالت نےا ن کے موکل کو شہداء الاقصیٰ بریگیڈ سے تعلق اور اسرائیل کے خلاف مزاحمتی سرگرمیوں کے الزام میں قید اور جرمانہ کی سزا سنائی گئی ہے۔ اسیر الحیح جون 2016ء سے اسرائیلی جیل میں قید ہیں اور ان کے خلاف مقدمہ چل رہا ہے۔