اسرائیل کی ایک فوج داری عدالت نے مقبوضہ بیت المقد س سے تعلق رکھنے والے ایک فلسطینی شہری کو یہودی آباد کاروں کو قبلہ اول میں داخلے سے روکنے کی کوشش کی الزام میں سترہ ماہ قید کی سزا کا حکم دیا ہے۔
مرکزاطلاعات فلسطین کے مطابق 33 سالہ انور عبدالکریم انور جمجموم کا تعلق بیت المقدس کے عیسویہ قصبے سے ہے۔ اسے پچھلے سال صہیونی پولیس نے حراست میں لیا جہاں اس پر یہودی آباد کاروں کی قبلہ اول میں داخلے کی کوششوں میں رکاوٹیں ڈالنے کے الزام میں مقدمہ چلایا گیا۔ عدالت نے اسے سترہ ماہ قید کی سزا کا حکم دیا ہے۔
ذرائع کے مطابق انور جمموم کو 16 نومبر 2014 ء کو حراست میں لیا گیا تھا۔ خیال رہے کہ صہیونی حکام کی جانب سے کسی فلسطینی کو بیت المقدس میں یہودی آباد کاروں کا داخلہ روکنے کے الزام کی دی گئی سزا کا یہ پہلا موقع نہیں۔ ماضی میں بھی صہیونی عدالتوں سے اسی نوعیت کے نام نہاد الزامات کے تحت فلسطینی شہریوں کو کڑی سزائیں دی جاتی رہیں۔
بشکریہ:مرکزاطلاعات فلسطین