رام اللہ میں قائم فلسطینی اتھارٹی کے وزیراعظم سلام فیاض سترہ اپریل کو اسرائیلی وزیر اعظم بنجمن نیتن یاھو سے ملاقات کرینگے۔ یہ وہی دن ہے جس دن فلسطینی اسیران نے اسرائیل کے خلاف اجتماعی بھوک ہڑتال کا اعلان کر رکھا ہے۔
اتھارٹی کے ذرائع نے بتایا کہ فیاض اور نیتن یاھو منگل سترہ اپریل کو ملاقات کرینگے۔ اسرائیلی وزیر اعظم آفس کے ترجمان نے بھی اس ملاقات کی تصدیق کردی ہے۔
وزیر اعظم بنجمن نیتن یاھو کے ترجمان نے فرانسیسی خبر رساں ایجنسی کو بتایا کہ ملاقات وزیر اعظم کے ایوان میں ہوگی۔ توقع کی جارہی ہے کہ اس ملاقات کے دوران سلام فیاض صدر محمود عباس کا پیغام نیتن یاھو کو پہنچائیں گے۔ اس پیغام میں فلسطینی اتھارٹی کی جانب سے فلسطین ۔ اسرائیل مذاکرات کی بحالی کے لیے عباس کی شرائط اسرائیلی وزیر اعظم کو پیش کی جائیں گی۔
سلام فیاض کے ہمراہ تحریک فتح کے رہنما صائب عریقات اور یاسر عبد ربہ بھی اس ملاقات میں شریک ہونگے۔
بشکریہ: مرکز اطلاعات فلسطین