مقبوضہ بیت المقدس (فلسطین نیوز۔مرکز اطلاعات) اسرائیل کے کثیرالاشاعت عبرانی اخبارات نے انکشاف کیا ہے کہ اسرائیلی حکومت نے شمال مشرقی بیت المقدس میں صیہونی آباد کاری کا ایک نیا منصوبہ تیارکیا ہے۔ اس منصوبے کے تحت آئندہ ہفتے 1600 نئے گھروں کی تعمیر کی منظوری دی جائے گی۔
فلسطین نیوز کو موصول ہونے والی اطلاعات کے مطابق اسرائیلیÂ اخبارات میں شائع ہونے والی خبروں میں بتایا گیا ہے کہ ’ایسٹر‘ تہوار کی تعطیلات ختم ہونے کے بعد شمال مشرقی بیت المقدس میں صیہونی توسیع پسندی کے ایک نئے منصوبے کی منظوری دی جائے گی۔ اس منصوبے کے تحت بیت المقدس کی فلسطینی بستیوں میں صیہونیوں کے لیے گھر تعمیر کیے جائیں گے۔عبرانی ذرائع ابلاغ کے مطابق شمال مشرقی بیت المقدس میں صیہونیوں کے لیے گھروں کی تعمیر کا منصوبہ مختلف مراحل میں آگے بڑھایا جائے گا۔ اس موقع پر پہلے مرحلے پر 519 مکانات تعمیر کیے جائیں گے۔ دوسرے مرحلے میں ’گیوات بنیامین‘ کالونی میں غرب اردن کو ملانے والی شاہراہ پر 1167 مکانات کی تعمیر کا پروگرام ہے۔ یہ دونوں مراحل مختلف تعمیراتی صیہونی کمپنیوں کے زیراہتمام مکمل کیے جائیں گے۔