احرار سنٹر براَئے اسیران کا کہنا ہے کہ قابض اسرائیلی حکام نے ابھی بھی 13 فلسطینی ممبران قانون ساز اسمبلی اور ایک سابق اسیر کو اپنی حراست میں لے رکھا ہے۔
سنٹر کے ڈائریکٹر فواد الخفش نے ایک بیان میں بتایا ہے کہ حراست میں لئے گئے ممبران پارلیمان میں سے 9 ممبران کو بغیر کسی مقدمے یا الزام کے انتظامی حراست میں رکھا گیا ہے۔
ان کا کہنا تھا کہ قابض اسرائیلی حکام سرکاری اور بین الاقوامی اداروں کی جانب سے دبائو ڈالے جانے کے باجود انہیں اپنی حراست میں رکھنے پر بضد ہے۔
خفش نے بتایا کہ ان اسیران میں سے کچھ اسیران بیمار ہیں اور ان میں سے اکثر ک بار با رحراست میں لیا جاتا رہا ہے تاکہ ان کے حوصلوں کو توڑا جاسکے اور ان کے کام کو راوکا جاسکے،
احرار سنٹر کے ڈائریکٹر کا کہنا ہے کہ ان ممبران پارلیمان کی رہائی کے لئے مقامی اور بین الاقوامی پریشر گروپس کو بنائے جائیں تاکہ ان کے ساتھ کیا جانے والا یہ سلوک ختم ہوسکے۔