(فلسطین نیوز۔مرکز اطلاعات) فلسطین کے مقبوضہ بیت المقدس میں گھر گھر تلاشی کے دوران جنوری کے مہینے میں اسرائیلی فوج نے کم سے کم 149 فلسطینیوں کو حراست میں لیا۔ گرفتار کیے جانے والوں میں 74 بچے بھی شامل ہیں جن کی عمریں 12 سال کے درمیان بیان کی جاتی ہیں۔
رپورٹ کے مطابق اسیران کے اہل خانہ پر مشتمل کمیٹی کی جانب سے جاری کردہ ایک بیان میں کہا گیا ہے کہ صہیونی فوج اور پولیس نے جنوری کے دوران 149 فلسطینیوں کو حراست میں لیا۔اس دوران قابض فوج نے 74 بچے بھی گرفتارکیے جن میں سے نو کی عمریں 12 سال سے کم تھیں۔ 52 فلسطینیوں کو ان کے گھروں میں چھاپوں کے دوران حراست میں لیا گیا۔ قابض فوجیوں نے تلاشی کی کارروائیوں میں 65 سالہ فلسطینی رکن پارلیمنٹ الشیخ محمد بو طیر کو حراست میں لیا۔اہالیان اسیران کمیٹی کے چیئرمین امجد عصب نے خبر رساں ایجنسی’’اناطولیہ‘‘ سے بات کرتے ہوئےکہا کہ جنوری کے مہینے میں حراست میں لیے گئے فلسطینیوں میں سے بیشتر ابھی تک دشمن کی قید میں ہیں۔ انہوں نے بتایا کہ مجموعی طورپراسرائیل جیلوں میں پابند سلاسل فلسطینیوں کی تعداد 7000 سے زیادہ ہے۔