صہیونی حکام آج [اتوار کو] دو فلسطینی شہداء سرحان برھان سرحان اور موئید صلاح الدین کے جسد خاکی ان کے ورثاء کے حوالے کررہے ہیں۔ دونوں شہداء کا تعلق مقبوضہ مغربی کنارے کے شہر طولکرم سے ہے۔ سرحان برھان کو شہید ہوئے گیارہ اور موئید صلاح الدین کو 13 سال ہوچکے ہیں۔
فلسطین میں شہداء کے جسد خاکی کے حصول کے لیے سرگرم قومی کمیٹی کی جانب سے جاری ایک بیان میں کہا گیا ہے کہ آج اتوار کی شام کو اسرائیلی فوج طولکرم کے جنوب مغرب میں الطیبہ راہ داری پر دونوں شہداء کے جسد خاکی ان کے ورثاء کے حوالے کریں گے۔
خیال رہے کہ صہیونی فوجیوں نے دونوں فلسطینی شہداء کی میتیں انہیں قاتلانہ حملوں میں شہید کیے جانے کے بعد قبضے میں لے لی تھیں۔ سرحان شہید کو طولکرم میں اپریل سنہ 2003 میں ایک کارروائی میں شہید کیا گیا تھا۔ اس کارروائی میں ایک بچہ بھی شہید ہوگیا تھا جبکہ حماس کے عسکری ونگ عزالدین القسام شہید بریگیڈ کے کمانڈر موئید صلاح الدینک کو نو اکتوبر 2001 ء کو طولکرم کے شمال مشرقی قصبے باقہ میں ایک ٹارگٹ کلنگ کارروائی میں شہید کرنے کے بعد اس کی میت قبضے میں لے لی تھی۔
بشکریہ:مرکزاطلاعات فلسطین