صہیونی فوج کا کریک ڈاؤن جاری، ستمبر میں مزید 127 فلسطینی گرفتار

فلسطین میں اسرائیلی فوج کا وحشیانہ کریک ڈاؤن بدستور جاری ہے۔ رواں ماہ ستمبر کے پہلے ہفتے میں قابض صہیونی فوجیوں ‌نے مقبوضہ مغربی کنارے اور بیت المقدس سے مزید 127 فلسطینی شہریوں کو گرفتار کر کے جیلوں میں ڈال دیا ہے۔
 
مرکز اطلاعات فلسطین کے مطابق انسانی حقوق کے لیے سرگرم ادارے”کلب برائے اسیران” کی جانب سے جاری ایک بیان میں بتایا گیا ہے کہ صہیونی فوج نے مقبوضہ مغربی کنارے کے مختلف شہروں ‌میں تلاشی کی کارروائیوں میں رواں ماہ کے پہلے سات دنوں میں کم سے کم 127 فلسطینیوں کو حراست میں لے لیا ہے۔ سب سے زیادہ گرفتاریاں الخلیل شہر سے کی گئیں جہاں گرفتار افراد کی تعداد 28 تک جا پہنچی ہے۔ دوسرے نمبر پر جنین شہر سے 23 افراد کو حراست میں لیا گیا۔
 
بیان میں بتایا گیا ہے کہ رام اللہ سے 21، بیت المقدس سے 20، بیت لحم سے 12، طولکرم سے 08، نابلس سے 6، قلقیلیہ سے 3،سلفیت اور طوباس سے افراد کو حراست میں لیا گیا۔ گذشتہ ایک روز میں صہیونی فوج نے تلاشی کی کارروائیوں میں الخلیل شہر سے 10 شہریوں کو حراست میں لے لیا۔
 
خیال رہے کہ اسرائیلی جیلوں میں فلسطینی اسیران کی تعداد 7000 ہزار سے تجاوز کر چکی ہے۔ 2000 شہریوں کو پچھلے 3 ماہ کے دوران حراست میں لیا گیا ہے۔