رپورٹ کے مطابق جمعہ کے روز نماز جمعہ کے اجتماعات سے پہلے اور بعد میں کئی شہروں میں فلسطینی اور یہودی کالونیوں کو باہم ملانے والے مقامات پر مزاحمتی کارروائیاں اور مظاہرے کیے گئے۔
غزہ کی پٹی میں مشرق، شمال اور وسطی علاقے میں فلسطینیوں نے اسرائیلی فوجیوں کے خلاف مظاہرے کیے۔
غزہ وزارت صحت کے ترجمان نے بتایا کہ فلسطینیوں کے احتجاج کے دوران مظاہرین کو منتشر کرنے کے لیے قابض فوجیوں نے ان پر آنسوگیس کی شیلنگ کی جس کے نتیجے میں متعدد افراد زخمی ہوئے ہیں۔ ایک شہری کے سر میں آنسوگیس کا شیل لگا ہے جس کے نتیجے میں اس کی حالت تشویشناک بیان کی جاتی ہے۔
مغربی کنارے میں 12 مقامات پر اسرائیلی فوجیوں کے خلاف احتجاجی مظاہرے کیے گئے۔ مظاہرین کو منتشر کرنے کے لیے قابض فوجیوں نے تشدد کا استعمال کیا جس کے نتیجے میں 69 فلسطینی زخمی ہوئے ہیں۔ بیت المقدس، رام اللہ اور الخلیل شہر میں تین تین مقامات پر جب کہ الخلیل ، قلقیلیہ اور سلفیت میں ایک ایک مقام پر فلسطینیوں نے مظاہرے کیے اوراسرائیلی دہشت گردی کے خلاف نعرے بازی کی۔
رپورٹ کے مطابق جمعہ کو مظاہرین کو منتشر کرنے کے لیے قابض فوجیوں نے نہ صرف انسوگیس کی شیلنگ کی بلکہ ان پربراہ راست فائرنگ کی گئی۔ فائرنگ سے 19 فلسطینی زخمی ہوئے جب کہ 47 فلسطینی زہیریلی آنسوگیس کی شیلنگ سے زخمی ہوئے ہیں۔