فلسطین نیوز کو موصول ہونے والی اطلاعات کے مطابق انسانی حقوق کی تنظیم ’ڈیموکریٹک ہیومن رائٹس‘ کی جانب سے جاری کردہ ایک رپورٹ میں بتایا گیا ہے کہ گذشتہ ایک ہفتے کے دوران اسرائیلی فورسز نے مقبوضہ مغربی کنارے، بیت المقدس اور غزہ کی پٹی سے مجموعی طورپر 102 فلسطینی شہریوں کو حراست میں لیا۔ غزہ کی پٹی کے ساحل سمندر میں مچھلیوں کا شکار کرنے والے ماہی گیروں پر صہیونی فوجیوں کے حملوں اور کریک ڈاؤن میں 9 ماہی گیروں کو گرفتار کیا گیا۔
قابض فورسز نے نہ صرف فلسطینی ماہی گیروں کو حراست میں لیا بلکہ ان کی کشتیاں بھی ضبط کرلی گئیں۔
ادھر اسرائیلی جیلوں میں قید دسیوں فلسطینی ساتھی قیدی بلال کاید کے ساتھ اظہار یکجہتی طورپر احتجاجابھوک ہڑتال کا سلسلہ جاری رکھا ہوا ہے۔
رپورٹ میں بتایا گیا ہے کہ گذشتہ ایک ہفتے کے دوران صہیونی فورسز کے فلسطینی شہریوں کے خلاف تشدد کے غیرقانونی ہتھکنڈوں کے نیتجے میں 49 فلسطینی شہری زخمی ہوئے جب کی دو فلسطینیوں کو شہید کیا گیا۔
قابض فورسز کی جانب سے فلسطینی آبادی کے خلاف نسل پرستانہ سرگرمیوں کا سلسلہ بھی اپنے عروج پر رہا۔ گذشتہ ہفتے قابض فورسز نےفلسطینیوں کے 17 مکانات مسمار کیے۔ اسرائیل میں انسانی حقوق کی تنطیم ’’بتسلیم‘‘ کے مطابق صہیونی فوج کی جانب سے رواں سال فلسطینیوں کے 168 مکانات مسمار کیے جس کے نتیجے میں 384 بچوں سمیت 740 فلسطینی گھر کی چھت سے محروم ہوئے۔