مغربی کنارے میں ایک اسرائیلی فوجی عدالت نے قدیم تاریخی شہر الخلیل سے گرفتار کیے گئے سات فلسطینی بچوں کو مزید سو روز تک انتظامی حراست میں رکھنے کی ہدایات جاری کر دی ہیں۔ تیرہ تا سولہ سال کے ان بچوں کو کا تعلق شہرکے شمالی علاقے بیت امر سے ہے۔
عوفر کی اسرائیلی عدالت نے پیر کے روز اسرائیلی فوجیوں پر پتھراؤ کے الزام میں گرفتار بچوں کے کیس کی سماعت کے دوران مزید تفتیش کے لیے ساتوں بچوں کو 101 روز مزید حراست میں رکھنے کا حکم دیا۔
عدالت نے کہا کہ اسرائیلی پراسکیوٹر جنرل کا مطالبہ ہے کہان بچوں کو شہر بدر کر دیا جائے تاہم عدالت ان بچوں سے مزید تفتیش کی خاطر ان کی مدت حراست میں توسیع کر رہی ہے۔
دوسری جانب بیت امر کی تنظیم ’’قومی مہم‘‘ کے ڈائریکٹر یوسف ابو ماریا نے بتایا کہ اسرائیلی عدالت نے ایک بچے احمد محمود صلیبی کو بچیس ہزار شیکل (تقریبا 6800 ڈالرز) جرمانے کی ادائیگی پر رہا کرنے کا حکم دیا ہے۔
بشکریہ: مرکز اطلاعات فلسطین